امریکہ کے نو منتخب صدر ڈونلڈ ٹرمپ نے پانچ نومبر کے صدارتی انتخاب میں کامیابی کے بعد بدھ کو پہلی بار واشنگٹن ڈی سی کا دورہ کیا۔ وائٹ ہاؤس آمد پر صدر جو بائیڈن نے ان کا استقبال کیا اور دونوں رہنماؤں کے درمیان تقریباً دو گھنٹے تک ملاقات جاری رہی۔ ٹرمپ نے ایوانِ نمائندگان میں ری پبلکن ارکان سے بھی ملاقات کی اور پارٹی ارکان کے ایک اجتماع سے خطاب بھی کیا۔ نومنتخب صدر 20 جنوری 2025 کو اپنی ذمے داریاں سنبھالیں گے۔
الیکشن میں کامیابی کے بعد ڈونلڈ ٹرمپ کی پہلی بار واشنگٹن ڈی سی آمد
1
وائٹ ہاؤس میں صدر جو بائیڈن اور نومنتخب صدر ڈونلڈ ٹرمپ نے بدھ کو ملاقات کی ہے۔
2
ترجمان وائٹ ہاؤس کے مطابق دونوں رہنماؤں کے درمیان ملاقات خوشگوار ماحول میں ہوئی جس کے دوران قومی سلامتی سمیت قومی اور عالمی سطح پر درپیش اہم امور پر تبادلۂ خیال ہوا۔
3
بائیڈن اور ٹرمپ کے درمیان ملاقات لگ بھگ دو گھنٹے تک جاری رہی۔
4
نومنتخب صدر ڈونلڈ ٹرمپ کیپٹل ہل بھی پہنچے جہاں ایوانِ نمائندگان کے اسپیکر مائیک جانسن نے ان کا استقبال کیا۔
