کرونا وائرس سے صحت یابی کے بعد امریکہ کے صدر ڈونلڈ ٹرمپ نے انتخابی مہم دوبارہ شروع کر دی ہے۔ صدر ٹرمپ نے پیر کو ریاست فلوریڈا میں انتخابی ریلی سے خطاب کیا۔ جب کہ وہ رواں ہفتے ریاست پینسلوینیا، آئیوا اور وسکانسن بھی جائیں گے۔
صدر ڈونلڈ ٹرمپ کی انتخابی مہم میں واپسی
1
صدر ٹرمپ نے ریاست فلوریڈا میں سینفرڈ ایئر پورٹ پر اپنے حامیوں سے خطاب کیا۔ اس موقع پر صدر ٹرمپ خاصے پرجوش اور متحرک دکھائی دے رہے تھے۔
2
صدر ٹرمپ کے استقبال کے لیے سینکڑوں افراد پہلے سے ہی ایئر پورٹ کے احاطے میں موجود تھے۔
3
امریکہ میں صدارتی انتخابات کے لیے پولنگ تین نومبر کو ہو گی۔ کرونا وبا کے باوجود دونوں صدارتی اُمیدواروں کی انتخابی مہم اب عروج پر ہے۔
4
کرونا وائرس سے صحت یابی کے بعد صدر ٹرمپ کا یہ پہلا انتخابی دورہ ہے جس میں صدر مختلف شہروں میں اپنے حامیوں اور دیگر طبقات سے ملاقاتیں کریں گے۔
