امریکہ میں تین نومبر کو ہونے والے صدارتی انتخاب سے قبل دو صدارتی امیدواروں کے درمیان ریاست ٹینیسی کے شہر نیشوِل کی بیل ماؤنٹ یونیورسٹی میں جمعرات کی شب آخری مباحثہ ہوا۔ ری پبلکن امیدوار ڈونلڈ ٹرمپ اور ان کے ڈیموکریٹک حریف جو بائیڈن نے ایک دوسرے کو تنقید کا نشانہ بنایا اور اپنا اپنا نکتہ نظر پیش کیا۔
ٹرمپ اور بائیڈن کے درمیان آخری صدارتی مباحثہ
5
ڈیموکریٹک صدارتی امیدوار جو بائیڈن نے الزام عائد کیا کہ صدر ٹرمپ کے پاس اب بھی کرونا وائرس سے نجات حاصل کرنے کا کوئی جامع منصوبہ نہیں۔
6
ایک سوال پر صدر ٹرمپ کا کہنا تھا کہ ہم بیماری کو سمجھ رہے ہیں، اس پر مطالعہ جاری ہے اور ہم نے بہت کچھ سیکھا ہے۔
7
جو بائیڈن نے صدر ٹرمپ کا نام لیے بغیر کہا کہ وہ کہتے ہیں کہ ہم اس مرض کے ساتھ جینا سیکھ رہے ہیں، میں کہتا ہوں لوگ اس کے ساتھ مرنا سیکھ رہے ہیں۔
8
جب صدر ٹرمپ سے یہ پوچھا گیا کہ ان کی کمپنی کا چین میں بینک اکاؤنٹ ہے تو ٹرمپ نے جواب دیا میرے بہت سے بینک اکاؤنٹس ہیں اور بہت سی جگہوں پر ہیں۔ اُن کے بقول "میں چین میں معاہدہ کرنے کے بارے میں سوچ رہا تھا اس لیے وہاں اکاونٹ کھولا لیکن بعد میں ارادہ بدل دیا جس کے ساتھ ہی یہ اکاونٹ بھی بند کرا دیا گیا۔"
