تحریکِ انصاف کے حامیوں کی جانب سے کراچی اور لاہور سمیت مختلف شہروں میں اتوار کو ریلیاں منقعد کی گئیں۔ اس دوران تحریکِ انصاف کے حامیوں اور پولیس میں جھڑپیں ہوئیں۔ پولیس نے کئی افراد کو حراست میں بھی لیا۔ کراچی میں پولیس نے پی ٹی آئی کے حامیوں کو منتشر کرنے کے لیے شیلنگ اور لاٹھی چارج بھی کیا جس کی زد میں آکر صحافی بھی زخمی ہوئے۔ پولیس کے مطابق جن مقامات پر کارروائی کی گئی وہاں اجتماع کی اجازت نہیں لی گئی تھی۔
