بلوچستان اسمبلی: آصف زرداری کو 47 ووٹ ملنے کا امکان
بلوچستان اسمبلی میں اراکین کی کل تعداد 65 ہے لیکن اسمبلی رکنیت کا حلف اٹھانے والے اراکین کی تعداد 62 ہے جو آج صدارتی انتخاب کے لیے حقِ رائے دہی استعمال کر رہے ہیں۔
بلوچستان اسمبلی میں پیپلز پارٹی 18،مسلم لیگ ن 16،بلوچستان عوامی پارٹی چھ، جمعیت علمائے اسلام کے 12 ،نیشنل پارٹی چار،اے این پی تین،بی این پی عوامی ،جماعت اسلامی اور حق دو تحریک کی ایک ایک نشست ہے۔
امکان ظاہر کیا جا رہا ہے کہ بلوچستان اسمبلی میں حلف اٹھانے والے 62 میں سے 47 ووٹ آصف علی زرداری کے حق میں پڑ سکتے ہیں۔
جمعیت علماء اسلام ،جماعت اسلامی ،حق دو تحریک صدارتی الیکشن میں مکمل خاموش ہیں جب کہ بی این پی عوامی کے سربراہ و رکن بلوچستان اسمبلی اسد بلوچ نے صدارتی انتخاب کے بائیکاٹ کا اعلان کیا ہے۔
پاکستان میں صدر کا انتخاب کیسے ہوتا ہے؟
صدارتی انتخاب کے لیے قومی و صوبائی اسمبلیوں میں ووٹنگ کا آغاز ہو گیا ہے۔
پاکستان پیپلز پارٹی اور حمایت یافتہ جماعتوں کی جانب سے آصف علی زرداری صدارتی امیدوار ہیں جب کہ سنی اتحاد کونسل کی جانب سے محمود خان اچکزئی صدارتی انتخاب کی دوڑ میں شامل ہیں۔
صدارتی انتخاب ملتوی کرنے کی درخواست مسترد
الیکشن کمیشن نے محمود خان اچکزئی کی صدارتی انتخاب ملتوی کرنے کی درخواست مسترد کر دی۔
سنی اتحاد کونسل کی جانب سے صدارتی امیدوار محمود خان اچکزئی نے گزشتہ روز الیکشن کمیشن کو ایک خط لکھ کر صدارتی انتخاب ملتوی کرنے کی درخواست کی تھی۔
الیکشن کمیشن نے محمود اچکزِئی کی درخواست پر آج تحریری فیصلہ جاری کر تے ہوئے درخواست مسترد کر دی ہے۔
الیکشن کمیشن کا کہنا ہے کہ صدارتی انتخاب کے لیے تمام تیاریاں مکمل ہیں اور آئین انتخاب کے التوا کی اجازت نہیں دیتا۔