اسٹاک ایکسچینج میں مثبت رجحان، انڈیکس 70 ہزار سے تجاوز
پاکستان اسٹاک ایکسچینج میں منگل کو کاروبار کے دوران مثبت رجحان دیکھا جا رہا ہے۔
ٹریڈنگ کے دوران ایک موقع پر ہنڈریڈ انڈیکس میں 558 پوائنٹس کا اضافہ ہوا جس کے بعد انڈیکس 70000 کی سطح عبور کر گیا۔
پاکستان اسٹاک کی تاریخ میں یہ پہلا موقع ہے کہ ہنڈریڈ انڈیکس 70000 کی نفسیاتی سطح عبور کر گیا ہے۔
یوسف رضا گیلانی بلامقابلہ چیئرمین سینیٹ منتخب
- By علی فرقان
پیپلز پارٹی کے رہنما و سینیٹر یوسف رضا گیلانی بلامقابلہ چیئرمین سینیٹ منتخب ہو گئے ہیں۔
منگل کو سینیٹ کا اجلاس پریزائیڈنگ افسر اسحاق ڈار کی صدارت میں منعقد ہوا جس کے دوران نو منتخب اور ضمنی انتخابات میں کامیاب ہونے والے سینیٹرز نے حلف اٹھایا۔
سینیٹرز کی آئینی مدت چھ سال ہوتی ہے۔
نو منتخب ارکان کی حلف برداری کے بعد چیئرمین و ڈپٹی چیئرمین سینیٹ کا انتخاب عمل میں آنا تھا۔ تاہم چیئرمین سینیٹ کے لیے پیپلز پارٹی کے امیدوار سید یوسف رضا گیلانی اور مسلم لیگ ن کی جانب سے ڈپٹی چیئرمین سینیٹ کے امیدوار سیدال خان ناصر کے مقابلے میں کسی بھی امیدوار نے کاغذاتِ نامزدگی جمع نہیں کرائے۔
اس طرح دونوں امیدوار بلامقابلہ چیئڑمین و ڈپٹی چیئرمین سینیٹ منتخب ہو گئے ہیں۔
پاکستان تحریکِ انصاف (پی ٹی آئی) نے سینیٹ میں چیئرمین و ڈپٹی چیئرمین کے الیکشن کے بائیکاٹ کا اعلان کیا تھا۔
پی ٹی آئی کا مؤقف ہےکہ سینیٹ میں وفاق کی تمام اکائیوں کی نمائندگی کے بغیر چئیرمین و ڈپٹی چئیرمین سینیٹ کا انتخاب غیرآئینی اور ناقابلِ قبول ہے۔
نو مئی واقعات کے 20 ملزمان بری
نو مئی 2023کو عسکری تنصیبات پر حملوں کے الزام میں فوج کے زیرِ حراست 20 افراد کو عید سے قبل رہا کر دیا گیا ہے۔
اٹارنی جنرل کی جانب سے سپریم کورٹ میں جمع کرائی گئی رپورٹ کے مطابق فوجی عدالتوں نے ایسے 20 ملزمان کو بری کر دیا ہے جنہیں نو اور 10 مئی کے واقعات میں فوجی عدالتوں نے ایک سال قید کی سزا سنائی تھی۔
رپورٹ کے مطابق 17 ملزمان نے ساڑھے 10 ماہ اور تین نے ساڑھے نو ماہ قید کاٹی ہے جب کہ آرمی چیف جنرل عاصم منیر نے آرمی ایکٹ کے تحت ملزمان کی بقیہ سزائیں معاف کر دی ہیں۔
دستاویزات میں شامل فہرست میں ان 20 افراد کے نام درج ہیں جنھیں چھ اور سات اپریل کو بالترتیب پنجاب اور خیبر پختونخوا سے رہا کیا گیا ہے۔
رپورٹ کے مطابق نو اور 10 مئی کے حملوں پر فوجی عدالتوں نے راولپنڈی کے آٹھ، لاہور کے تین، گوجرانوالہ کے پانچ، دیر کے تین اور مردان کے ایک ملزم کو ایک، ایک سال قید بامشقت کی سزا دی تھی۔
واضح رہے کہ 28 مارچ کو فوجی عدالتوں میں سویلینز کا ٹرائل کالعدم قرار دینے کے خلاف انٹرا کورٹ اپیلیوں پر سماعت کے دوران اٹارنی جنرل نے سپریم کورٹ کو بتایا تھا کہ نو مئی کے 103 ملزمان میں سے 20 کو رہا کر دیا جائے گا۔
اسٹاک ایکسچینج میں مثبت رجحان، انڈیکس 70 ہزار سے تجاوز
پاکستان اسٹاک ایکسچینج میں منگل کو کاروبار کے دوران مثبت رجحان دیکھا جا رہا ہے۔
ٹریڈنگ کے دوران ایک موقع پر ہنڈریڈ انڈیکس میں 558 پوائنٹس کا اضافہ ہوا جس کے بعد انڈیکس 70000 کی سطح عبور کر گیا۔
پاکستان اسٹاک کی تاریخ میں یہ پہلا موقع ہے کہ ہنڈریڈ انڈیکس 70000 کی نفسیاتی سطح عبور کر گیا ہے۔
کتنے ارکان بطور سینیٹر حلف اٹھائیں گے؟
سینیٹ انتخابات میں منتخب ہونے والے 37 ارکان بطور سینیٹر جب کہ ضمنی الیکشن میں منتخب 6 سینیٹرز بھی آج حلف اٹھائیں گے۔
خیبر پختونخوا میں سینیٹ الیکشن نہ ہونے کے باعث 11 سینیٹرز حلف نہیں اٹھائیں گے۔
پیپلز پارٹی کے 18، مسلم لیگ (ن) کے 14، جے یو آئی کے تین، پی ٹی آئی کے حمایت یافتہ دو ارکان آج حلف اٹھائیں گے۔
ایم کیو ایم پاکستان، اے این پی، نیشنل پارٹی کے ایک، ایک رکن بھی سینیٹر کا حلف اٹھائیں گے۔
تین آزاد نو منتخب ارکان بھی بطور سینیٹر حلف اٹھائیں گے۔