مخصوص نشستوں پر ارکان کا حلف توہینِ عدالت ہے: عمر ایوب خان

ڈسٹرکٹ اینڈ سیشن کورٹ اسلام آباد نے صحافی اسد طور کا جسمانی ریمانڈ مسترد ہونے کا تحریری فیصلہ جاری کر دیا ہے۔

جوڈیشل مجسٹریٹ شبیربھٹی نے تحریری فیصلے میں کہا کہ وفاقی تحقیقاتی ادارے (ایف آئی اے) نے اسد طور کے مزید چار روزہ جسمانی ریمانڈ کی استدعا کی جب کہ صحافی نے تفتیشی افسر کی جانب سے کسی نامناسب رویے کی شکایت نہیں کی۔

عدالت نے فیصلے میں کہا کہ ایف آئی اے نے اسد طور کا مزید جسمانی ریمانڈ مانگا لیکن اس سےقبل کافی ریمانڈ دیا گیا تھا۔اس لیے ملزم کو جوڈیشل ریمانڈ پر جیل بھیجا جاتا ہے۔

عدالت نے اسد طور پر 22 مارچ کو دوبارہ پیش کرنے کا حکم بھی دیا ہے۔

سنی اتحاد کونسل نے سندھ اسمبلی میں مخصوص نشستوں کے حصول کے لیے ہائی کورٹ سے رجوع کرلیا ہے۔

درخواست میں الیکشن کمیشن کی جانب سے مخصوص نشستیں دیگر سیاسی جماعتوں کو دینے کے فیصلے کو چیلنج کرتے ہوئے مؤقف اختیار کیا گیا ہے کہ سندھ اسمبلی میں سنی اتحاد کونسل کی اقلیت کی ایک اور خواتین کی دومخصوص نشستیں بنتی ہیں۔

درخواست میں کہا گیا ہے کہ الیکشن کمیشن نے یکم مارچ کو غیر آئینی فیصلے کے نتیجے میں سنی اتحاد کونسل کو ان نشستوں سے محروم کرتے ہوئے اقلیتی نشست پیپلز پارٹی کو جب کہ خواتین کی نشستیں پیپلز پارٹی اور ایم کیو ایم میں تقسیم کردیں۔

عدالت سے استدعا کی گئی ہے کہ الیکشن کمیشن کا فیصلہ غیر آئینی و غیر قانونی قرار دیا جائے اور مخصوص نشستیں سنی اتحاد کونسل کو الاٹ کرنے کی ہدایت کی جائے ۔

درخواست میں وفاقی حکومت، ،چیف الیکشن کمشنر پاکستان و کمشنر سندھ کو فریق بنایا گیا ہے۔

پاکستان میں گزشتہ روز پیش آنے والے واقعات اور سیاسی سرگرمیوں سے متعلق پڑھنے کے لیے کلک کریں۔