براہِ راست احتجاج میں 954 مظاہرین گرفتار کیے گئے، افغان شہری بھی شامل ہیں: آئی جی اسلام آباد

ہیومن رائٹس کمیشن پاکستان (ایچ آر سی پی) نے پاکستان کے سیاسی حالات کے دوران حکومت اور تحریکِ انصاف کے درمیان مذاکرات شروع کرنے کا مطالبہ کیا ہے۔

ایچ آر سی پی نے ایک بیان میں کہا ہے کہ حکومت اور اپوزیشن خاص طور پر تحریکِ انصاف اسمبلی میں فوری اور بامقصد مذاکرات شروع کریں۔

کمیشن نے کہا ہے کہ ملک کو جامد کرنے کے بجائے آگے بڑھنے کے راستے پر اتفاق کا وقت آ چکا ہے۔ ایچ آر سی پی نے یہ بھی مطالبہ کیا ہے کہ ملک کی دیگر سیاسی جماعتوں کو مذاکرات میں شریک کیا جائے۔

بیان کے مطابق سیاسی کارکنوں کے جذبات کو مجروح کرنے سے بھی گریز کیا جائے۔

اسلام آباد اور پنجاب کا خاص طور پر ذکر کرتے ہوئے کمیشن نے بیان میں کہا ہے کہ اس سارے عمل میں دوسروں کی نقل و حرکت اور روزگار کی آزادی پامال نہ کی جائے۔

پاکستان کے وفاقی دارالحکومت میں منگل اور بدھ کی درمیانی شب سیکیورٹی فورسز کی کارروائی کے بعد تحریکِ انصاف نے احتجاج منسوخ کر دیا ہے۔

احتجاج ختم ہونے کے بعد شاہراہیں خالی ہو گئی ہیں۔ اسلام آباد کی انتظامیہ ایک جانب شاہراہوں سے رکاوٹیں ہٹا رہی ہے جب کہ ساتھ ہی سڑکوں کی صفائی کا عمل بھی جاری ہے۔ کئی مقامات پر تباہ حال گاڑیاں اب بھی موجود ہیں جن کو مشینری سے ہٹایا جا رہا ہے۔

امن و امان کو برقرار رکھنے کے لیے کئی جگہ اب بھی پنجاب رینجرز کے اہلکار نظر آ رہے ہیں۔

بلوچستان کے سابق نگراں وزیرِ اطلاعات جان اچکزئی کی طرف سے تحریکِ انصاف کے احتجاج کے دوران سوشل میڈیا پر کچھ پوسٹوں میں امریکی تھنک ٹینک سے وابستہ تجزیہ کار مائیکل کوگلمین سے منسوب پوسٹوں کو شیر کیا گیا۔ لیکن کیا یہ پوسٹیں اصلی تھیں یا نقلی؟

مائیکل کوگلمین نے کیا کہا اور حقیقت کو کیسے پرکھا جا سکتا ہے؟ جانیے

اسلام آباد کی پولیس کا کہنا ہے کہ اسلام آباد میں ہونے والے احتجاج کی وجہ سے بند کیے گئے راستے کھلنا شروع ہو گئے ہیں۔

پولیس نے ایک بیان میں کہا ہے کہ 26 نمبر چونگی کو اطراف سے ٹریفک کے لیے کھول دیا گیا ہے۔

پولیس کے مطابق روات ٹی کراس سے بھی رکاوٹیں ہٹائی جا رہی ہیں۔ رکاوٹیں ہٹا کر ٹریفک مکمل طور پر بحالی کو ممکن بنایا جا رہا ہے۔