قومی اسمبلی اور سینیٹ کے اجلاس غیر معینہ مدت تک ملتوی، آئینی ترامیم کا بل پیش نہ ہو سکا

اسپیکر قومی اسمبلی نے اجلاس غیر معینہ مدت کے لیے ملتوی کر دیا ہے۔ اس سے پہلے سینیٹ کا اجلاس غیر معینہ مدت کے لیے ملتوی کیا گیا تھا۔

پیر کو ہونے والے اجلاس میں بھی آئینی ترامیم کا مسودہ پیش نہ ہو سکا۔

گزشتہ دو دن سے یہ امکان ظاہر کیا جا رہا تھا کہ حکومت آئینی مسودہ پارلیمان میں پیش کر سکتی ہے۔

اب حکومتی ارکان نے عندیہ دیا ہے کہ کچھ دن میں آئینی ترامیم پر اتفاقِ رائے کے بعد مسودہ ایوان میں پیش کیا جا سکتا ہے۔

پاکستان تحریکِ انصاف کے ارکانِ اسمبلی کو رہا کر دیا گیا ہے۔ رہنماؤں کو پارلیمنٹ لاجز میں رکھا گیا تھا پیر کو پارلیمنٹ لاجز سے پولیس ہٹا دی گئی۔

جوڈیشل مجسٹریٹ کی جانب سے گرفتار ایم این ایز کی رہائی کے احکامات جاری کیے گئے تھے۔ رہا ہونے والوں میں شیر افضل مروت شاہ، احد نسیم شاہ ، شیخ وقاص اکرم، اویس احمد چٹھہ شامل ہیں۔