بشریٰ بی بی نے بنی گالہ کو سب جیل قرار دینے کے خلاف ہائی کورٹ سے رجوع کر لیا
بشریٰ بی بی نے سابق وزیرِ اعظم عمران خان کی رہائش گاہ بنی گالہ کو سب جیل قرار دینے کے خلاف اسلام آباد ہائی کورٹ سے رجوع کرلیا ہے۔
بشریٰ بی بی نے اپنی درخواست میں عدالت سے استدعا کی ہے کہ انہیں خان ہاؤس بنی گالہ سے واپس اڈیالہ جیل راولپنڈی منتقل کرنے کے احکامات جاری کیے جائیں اور خان ہاؤس کو سب جیل قرار دینے کا 31 جنوری کا نوٹی فکیشن کالعدم قرار دیا جائے۔
واضح رہے کہ اسلام آباد کی سول عدالت نے گزشتہ ہفتے عدت میں نکاح کے کیس میں عمران خان اور بشریٰ بی بی کو سات سات سال قید اور پانچ پانچ لاکھ روپے جرمانے کی سزا کا حکم دیا تھا۔
عدالت نے بشریٰ بی بی کو گرفتار کرنے کا حکم دیا تھا۔ عدالتی حکم کے بعد بشریٰ بی بی نے اڈیالہ جیل پہنچ کر گرفتاری پیش کر دی تھی۔ بعدازاں انہیں بنی گالہ میں واقع عمران خان کی رہائش گاہ منتقل کر کے اسے سب جیل قرار دے دیا گیا تھا۔
پی ٹی آئی کی خواتین رضا کار کس طرح مہم چلا رہی ہیں؟
پاکستان تحریکِ انصاف کے حمایت یافتہ آزاد امیدواروں کی انتخابی مہم میں خواتین پیش پیش ہیں۔ یہ خواتین رضا کار گھر گھر جا کر ووٹرز کا اعتماد جیتنے کی کوشش کر رہی ہیں۔ لیکن اس دوران انہیں کن مسائل کا سامنا ہے؟ ویڈیو دیکھیے۔
بلاول لاڑکانہ میں جلسے سے خطاب کریں گے
پاکستان پیپلز پارٹی نے انتخابی مہم کے آخری روز لاڑکانہ میں میدان سجا لیا، پارٹی چیئرمین بلاول بھٹو زرداری کارکنوں سے خطاب کریں گے۔
مسلم لیگ (ن) نے قصور میں میدان سجا لیا
پاکستان مسلم لیگ (ن) نے انتخابی مہم کے آخری روز قصور میں میدان سجا لیا ہے۔ جلسے سے پارٹی کے قائد نواز شریف، چیف آرگنائزر مریم نواز سمیت دیگر رہنما خطاب کریں گے۔