امریکی مسافر طیارے اور ہیلی کاپٹر میں تصادم ، 28 لاشیں نکال لی گئیں

امریکہ کی فضائی کمپنی امیریکن ایئر لائنز کے سی ای او رابرٹ آئسم نے کہا ہے کہ طیارے کو امیریکن ایئرلائنز کے ماتحت ایک کمپنی پی ایس اے ایئر لائنز آپریٹ کر رہی تھی۔

انہوں نے بتایا کہ طیارہ ایک فوجی ہیلی کاپٹر سے اس وقت ٹکرایا جب وہ واشنگٹن ڈی سی کے قریب رونلڈ ریگن ایئرپورٹ پر لینڈ کرنے والا تھا۔

انہوں نے کہا کہ اس طیارے میں 60 مسافر اور عملے کے چار افراد سوار تھے۔

امریکہ کے ڈپارٹمنٹ آف ہوم لینڈ سیکیورٹی کی سیکریٹری کرسٹی نوم نے کہا ہے کہ امریکی کوسٹ گارڈ کے موجود تمام وسائل ریسکیو اینڈ سرچ آپریشن کے لیے مقرر کیے جا رہے ہیں۔

سوشل میڈیا پر ایک بیان میں انہوں نے کہا کہ تمام صورتِ حال کا بغور جائزہ لیا جا رہا ہے۔

مسافر طیارے اور ہیلی کاپٹر کے درمیان تصادم کے بعد دریائے پوٹومک کے قریب ریسکیو اور سرچ آپریشن جاری ہے۔

حادثے کے سبب فضائی آپریشنز معطل کر دیے گئے ہیں۔