امریکہ کی ریاست پنسلوانیا کے شہر فلاڈیلفیا میں پیر کو ایک سیاہ فام شخص کی پولیس فائرنگ سے ہلاکت کے بعد شروع ہونے والے پرتشدد مظاہروں کا سلسلہ تاحال جاری ہے۔ 27 سالہ سیاہ فام شخص مبینہ طور پر پولیس کی فائرنگ سے ہلاک ہو گیا تھا۔
فلاڈیلفیا: سیاہ فام شخص کی ہلاکت پر مظاہرے
1
مظاہرین کی جانب سے پولیس پر پتھراؤ کیا گیا جس سے کئی اہل کار زخمی ہو گئے جب کہ بعض مقامات پر مظاہرین کی جانب سے لوٹ مار کی بھی اطلاعات ہیں۔
2
پولیس کا موقف ہے کہ ہلاک ہونے والا سیاہ فارم شخص مسلح تھا جب کہ سوشل میڈیا پر پوسٹ ہونے والی ویڈیو میں مرنے والے شخص کے ہاتھ میں خنجر دکھائی دے رہا ہے۔
3
ہلاک ہونے والے کا نام والٹر ویلیس بتایا گیا ہے۔ ویڈیو میں دیکھا جا سکتا ہے کہ 27 سالہ شخص دو پولیس افسران کی طرف بڑھ رہا ہے جو بندوق تانے اسے تنبیہ کر رہے ہیں کہ وہ خنجر پھینک دے۔
4
اس نوعیت کے تشدد کے واقعات کی یہ تازہ ترین کڑی ہے۔ اس سے قبل نسل پرستی کے خلاف مظاہرے اس سال مئی میں اس وقت شروع ہوئے تھے جب 46 سالہ جارج فلائیڈ کی پولیس تحویل میں ہلاکت ہوئی تھی۔