مشرقِ وسطیٰ میں بدھ کو رمضان کی 27ویں شب عقیدت کے ساتھ منائی گئی۔ مسلمان رمضان کے آخری عشرے میں طاق راتوں کو 'لیلۃ القدر' کہتے ہیں۔ ان طاق راتوں میں مساجد میں خصوصی اجتماعات منقعد کیے جاتے ہیں، جہاں علما خطاب کرتے ہیں اور عبادات کی جاتی ہیں۔ مکہ میں مسجد الحرام، مدینہ میں مسجدِ نبوی اور یروشلم میں مسجدِ اقصی میں 27ویں شب پر بڑے اجتماعات ہوئے جس میں ہزاروں افراد شریک تھے۔ مصر اور کویت سمیت دیگر خلیجی ممالک میں بھی مساجد میں خصوصی عبادات کا اہتمام کیا گیا۔
مشرقِ وسطیٰ: رمضان کی 27ویں شب پر بڑے اجتماعات
1
مسلمانوں کے مقدس ترین مقام مسجد الحرام میں رمضان کی 27ویں شب پر ایک بڑا اجتماع ہوا۔ کرونا وائرس کے دوران گزشتہ دو برس میں مسجد الحرام میں ایسے اجتماعات نہیں ہو سکے تھے۔
2
رمضان کے مہینے میں آخری 10 دن میں طاق راتوں کو مسلمان افضل سمجھتے ہیں اور ان میں عبادات کا خصوصی اہتمام کیا جاتا ہے۔
3
مکہ کی مسجد الحرام میں 27 ویں شب کو عشا کی نماز کے بعد عبادات کا سلسلہ شروع ہوا جو کہ فجر کی نماز تک جاری رہا۔
4
رمضان کی 27 ویں شب کو علما ان طاق راتوں کی فضلیت پر خصوصی بیان کرتے ہیں۔
