اسرائیل پر ایرانی حملے ناکام اور غیر موثر رہے، وائٹ ہاؤس

حزب اللہ کے میڈیا آفس نے کہا ہے کہ اسرائیل نے بیروت کے جنوبی مضافات میں ایک مذہبی چینل کی عمارت کو نشانہ بنا کر تباہ کردیا ہے۔

لبنانی عسکری تنظیم کے میڈیا آفس کا کہنا تھا کہ یہ دفتر شیعہ مسلم مذہبی چینل السریت ٹی وی کا تھا جس میں کسی قسم کے ہتھیاروں کا کوئی ذخیرہ نہیں تھا۔

اسرائیل کی فوج نے کہا ہے کہ کے اس نے گزشتہ سال کے دوران لبنان میں محدود نوعیت کی متعدد زمینی کارروائیاں کی ہیں۔

فوج کے ترجمان ریئر ایڈمرل ڈینیئل ہگاری نے منگل کو رپورٹرز کو بتایا کہ اسرائیلی فوج عسکری گروپ حزب اللہ کے ٹھکانوں اور انفراسٹرکچر تباہ کرنے کے لیے معلومات جمع کرنے کے لیے سرحد عبور کرچکی ہے۔

انہوں نے کہا اسرائیلی فوج نے کئی سرنگیں اور گولہ باردو تباہ کردیے ہیں۔

لبنان سے فائر کیا گیا ایک راکٹ اسرائیل کی ایک ہائی وے پر آگرا ہے۔

اسرائیل کے علاقے کفر قاسم کے قریب سے گرزنے والے ہائی وے پر راکٹ کرنے سے سڑک کو نقصان پہنچا ہے۔ تاہم کسی جانی یا مالی نقصان کی اطلاعات نہیں۔

انسانی حقوق کی عالمی تنظیم ایمنسٹی انٹرنیشنل نے یورپی ممالک مونٹینگرو اور سلووینیا سے اپیل کی ہے کہ وہ اس پرتگالی جہاز کو اپنی بندرگاہوں پر لنگر انداز نہ ہونے دے جس کے بارے میں خیال ہے کہ وہ اسرائیل کے لیے اسلحہ بارود لے کر جارہا ہے۔

ایمنسی انٹرنیشنل نے کہا ہے کہ اسلحے کی یہ کھیپ غزہ میں جنگی جرائم کے لیے استعمال ہو سکتی ہے۔

بیان کے مطابق ایم وی کیتھرین نامی جہاز 21 جولائی کو ویتنام کی بندرگاہ سے روانہ ہوا تھا۔ اس سے قبل 24 اگست کو نمبیا کے حکام نے اس جہاز کو لنگر انداز ہونے کی اجازت واپس لے لی تھی۔

ممکنہ طور پر یہ جہاز جمعرات تک سلووینیا اور مونٹینگرو کی بندرگاہوں پر لنگر انداز ہو سکتا ہے۔