سندھ میں میڈیکل اینڈ ڈینٹل کالجز کے داخلہ ٹیسٹ کالعدم، چار ہفتوں میں دوبارہ ٹیسٹ کرانے کا حکم

اسپیکر قومی اسمبلی سردار ایاز صادق نے جسٹس یحییٰ آفریدی کو بطور چیف جسٹس آف پاکستان حلف اٹھانے پر مبارک باد پیش کی ہے۔

ایک بیان میں اسپیکر نے کہا کہ پاکستان کا چیف جسٹس بننا انتہائی عزت اور اعزاز کی بات ہے۔ کوئی بھی معاشرہ عدل و انصاف کے بغیر قائم نہیں رہ سکتا۔ عدل و انصاف کا نظام بہتر ہوگا تو جمہوریت مضبوط ہوگی ملک ترقی کرے گا۔

انہوں نے کہا کہ پر امید ہوں جسٹس یحییٰ آفریدی ملک میں آئین و قانون کے مطابق عدل و انصاف کے نظام کو مزید مستحکم کریں گے۔

اسپیکر قومی اسمبلی کے مطابق پارلیمان 25 کروڑ عوام کی آواز اور امیدوں کا مرکز ہے۔ خوشی ہے کہ چیف جسٹس کا تقرر پارلیمان نے آئین کے مطابق عوامی رائے اور ملکی مفاد کو مدنظر رکھ کر کیا۔ آئین پاکستان کی مکمل پاسداری ہر شہری کی بنیادی ذمہ داری ہے۔

سردار ایاز صادق نے مزید کہا کہ ریاست کی بقا کے لیے ضروری ہے کہ تمام ادارے اپنی آئینی ذمہ داریوں کو بہترین انداز میں سر انجام دیں۔ چیف جسٹس یحیی آفریدی کی دانش مندانہ قیادت میں عدالتی نظام مذید مستحکم ہو گا۔ چیف جسٹس عوام کو فوری اور بلا امتیاز انصاف کی فراہمی کو یقینی بنانے کے لیے بھرپور کردار ادا کریں۔

ایوانِ صدر میں تقریب کے دوران جسٹس یحییٰ آفریدی نے چیف جسٹس آف پاکستان کے عہدے کا حلف اٹھا لیا ہے۔

حلف برداری سے قبل یحییٰ آفریدی کے بطور چیف جسٹس تعیناتی کا نوٹی فکیشن پڑھا گیا جس کے بعد صدرِ پاکستان آصف زرداری نے جسٹس یحییٰ آفریدی سے بطور چیف جسٹس آف پاکستان حلف لیا۔

حلف برداری کی تقریب میں اسٹیج پر صدر پاکستان آصف علی زرداری، وزیرِ اعظم شہباز شریف اور سبکدوش ہونے والے چیف جسٹس قاضی فائز عیسیٰ موجود تھے۔

تقریب میں وزیرِ اعلی خیر پختونخوا علی امین گنڈاپور، وزیرِ اعلیٰ پنجاب مریم نواز، وزیرِ اعلیٰ بلوچستان سرفراز بگٹی اور دیگر اہم شخصیات بھی موجود تھیں۔

پاکستان میں گزشتہ روز پیش آنے والے واقعات سے متعلق جاننے کےلیے یہاں کلک کریں۔