ایس سی او سربراہی اجلاس؛ وزیرِ اعظم شہباز شریف کا مندوبین کے اعزاز میں عشائیہ

لاہور میں پنجاب کالج میں طالبہ کے ساتھ زیادتی کے مبینہ واقعے کے خلاف طلبہ اور عورت مارچ سے تعلق رکھنے والوں نے پنجاب اسمبلی کے سامنے احتجاج کیا ہے۔

پنجاب کالج میں زیادتی کے مبینہ واقعے کے خلاف طلبہ دو روز سے سراپا احتجاج ہیں جب کہ پولیس کا کہنا ہے اسے مبینہ زیادتی کا کوئی ثبوت یا عینی شاہد نہیں ملا ہے۔

ترجمان پنجاب پولیس کا کہنا ہے کہ مبینہ واقعے سے متعلق اگر کسی شہری کے پاس کوئی بھی معلومات ہے تو وہ ورچوئل ویمن پولیس اسٹیشن کا مطلع کریں۔

ترجمان پولیس کا کہنا ہے کہ اطلاع دینے والے کا نام صیغہ راز میں رکھا جائے گا۔ پولیس کے مطابق غیر مصدقہ واقعے سے متعلق ہر پہلو کا جائزہ لیا جا رہا ہے۔

وائس آف امریکہ کے نمائندے ضیاء الرحمٰن کے مطابق بعض طلبہ کا کہنا ہے کہ انہوں نے مبینہ ریپ سے متعلق مختلف سوشل میڈیا پلیٹ فارمز سے سنا ہے۔ ان کے پاس کوئی ثبوت نہیں ہیں۔

پولیس کا کہنا ہے کہ کچھ گروپس طلبہ کو احتجاج پر اکسا رہے ہیں۔