اسرائیلی فورسز کی جنوبی لبنان پر بمباری، تین لبنانی فوجی ہلاک

امریکی حکام کا کہنا ہے کہ امریکہ نے اسرائیل کے ایران پر حملے سے متعلق جائزے پر مبنی خفیہ دستاویزات لیک ہونے پر تحقیقات کا آغاز کردیا ہے۔

خبر رساں ادارے ’ایسوسی ایٹڈ پریس‘ سے بات کرتے ہوئے ایک عہدے دار کا کہنا تھا کہ بظاہر جاری ہونے والے دستاویزات درست معلوم ہوتی ہیں۔

ان دستاویزات کا تعلق امریکہ کے دو خفیہ اداروں جیوسپاٹیئل ایجنسی اور نیشنل سیکیورٹی ایجنسی سے بتایا جا رہا ہے۔

دستاویزات میں یہ بات کی گئی ہے کہ اسرائیل یکم اکتوبر کو ایران کے کیے گئے بیلسٹک میزائل حملے کا جواب دینے کے لیے اب بھی اپنے عسکری اثاثے متحرک رکھے ہوئے ہے۔

مزید جانیے

ترکیہ نے کہا ہے کہ اسرائیل کے لبنان اور غزہ میں حملے ایران کو جائز اقدامات پر مجبور کر رہے ہیں۔

ترک وزیرِ خارجہ حاقان فیدان نے ایرانی ہم منصب عباس عراقچی کے ہمراہ پریس کانفرنس میں کہا ہے کہ اسرائیل کا جارحانہ رویہ ایران کو جائز اقدامات پر مجبور کر رہا ہے۔

انہوں نے مزید کہا کہ اسرائیل کے وزیرِ اعظم بن یامین نیتن یاہو خطے میں مستقل نئے جنگی محاذ کھول رہے ہیں اور ان کے ذریعے ایران کو اس جنگ میں شامل کرنے کی کوشش کر رہے ہیں۔

ان کا کہنا تھا کہ پورے خطے میں جنگ کے کے خدشے کو نظر انداز نہیں کرنا چاہیے۔

اس موقع پر ایران کے وزیرِ خارجہ عباس عراقچی نے کہا ہے کہ لبنان میں کشیدگی میں اضافہ انتہائی پریشان کن ہے۔

انہوں نے اسرائیل تنازعے میں کشیدگی بڑھانے کا ذمہ دار قرار دیتے ہوئے کہا کہ ایران کشیدگی میں کم چاہتا ہے۔ لیکن اس کے ساتھ کسی بھی قسم کی صورتِ حال کا مقابلہ کرنے کے لیے تیار ہے۔

ایران کی روس اور عمان کے ہمراہ بحیرہ ہند میں مشترکہ بحری مشقیں شروع کر دی ہیں۔

ایران کے سرکاری ٹی وی ’پریس ٹیلی ویژن‘ کے مطابق ان مشقوں کا مشاہدہ نو ممالک کر رہے ہیں۔

ان مشقوں کو آئی میکس 2024 کا نام دیا گیا ہے۔ سرکاری ٹی وی کے مطابق ان کا مقصد خطے کی مجموعی سیکیورٹی کو بہتر بنانا اور باہمی تعاون کو وسعت دینا قرار دیا گیا ہے۔

جو ممالک امن مشقوں کا مشاہدہ کر رہے ہیں ان میں سعودی عرب، قطر، بھارت، تھائی لینڈ، بنگلہ دیش اور پاکستان شامل ہیں۔

مشرقِ وسطیٰ کی صورتِ حال اور گزشتہ روز پیش آنے والے واقعات سے متعلق پڑھنے کےلیے یہاں کلک کریں۔