غزہ میں جھڑپ کے دوران اسرائیل کے مزید چار فوجی ہلاک

غزہ میں اسرائیل کے فضائی حملے میں مزید 14 افراد ہلاک ہو گئے ہیں۔

غزہ کے محکمۂ سول دفاع کے ترجمان نے خبر رساں ادارے ’اے ایف پی‘ کو بتایا کہ غزہ میں منگل کو اسرائیلی بمباری سے 14 افراد ہلاک ہوئے ہیں۔

ان کا کہنا تھا کہ منگل کی صبح ہونے والے حملے میں کئی افراد ہلاک ہوئے ہیں۔ تاہم انہوں نے اس حوالے سے مزید تفصیلات نہیں بتائیں۔

اسرائیلی فوج نے اس حوالے سے کوئی بیان جاری نہیں کیا۔ البتہ اسرائیلی فوج مسلسل دعویٰ کر رہی ہے کہ وہ حماس اور دیگر عسکریت پسندوں کو نشانہ بنا رہے ہیں۔

اسرائیلی فوج کی غزہ سٹی اور شمالی علاقے میں جاری آپریشن کے سبب فلسطینیوں کی دوسرے علاقوں میں نقل مکانی جاری ہے۔

فلسطینی اپنے سامان کو ہاتھوں میں تھامے مختلف علاقوں میں منتقل ہو رہے ہیں۔