امریکہ کے صدارتی انتخابات 2020 کے غیر حتمی و غیر سرکاری نتائج کے مطابق ڈیموکریٹک پارٹی کے صدارتی امیدوار جو بائیڈن اور نائب صدارت کی امیدوار کاملا ہیرس کی کامیابی پر ان کے حامیوں نے ہفتے کو خوب جشن منایا۔ مختلف شہروں میں لوگ سڑکوں پر نکلے، ریلیاں نکالیں، نعرے بازی کی اور جو بائیڈن کا فاتحانہ خطاب سنا۔ کچھ لوگ بائیڈن کا خطاب سن کر فرطِ جذبات سے رو پڑے۔
امریکہ کی سڑکوں پر بائیڈن اور کاملا کی کامیابی کا جشن
5
واشنگٹن ڈی سی کے بلیک لائیوز میٹر اسکوائر پر ایک خاتون جو بائیڈن کا خطاب سن کر رو رہی ہیں۔
6
ریاست کیلی فورنیا میں جو بائیڈن کے حامی سڑکوں پر ریلیاں نکال کر فتح کا جشن منا رہے ہیں۔ واضح رہے کہ کیلی فورنیا کے الیکٹورل ووٹ امریکہ کی دیگر تمام ریاستوں کے مقابلے میں سب سے زیادہ ہیں اور یہ تمام ووٹ جو بائیڈن کو ملے ہیں۔
7
امریکہ کے ممکنہ نو منتخب صدر اور نائب صدر اپنے اپنے شریکِ حیات کے ساتھ بائیں جانب کاملا ہیرس اور ان کے شوہر ڈگلس ایم ہوف ہیں جب کہ دائیں طرف جو بائیڈن اپنی اہلیہ جل بائیڈن کے ہمراہ ہاتھوں میں ہاتھ ڈالے کھڑے ہیں۔
8
امریکی شہر نیو یارک کے واشنگٹن اسکوائر پارک میں جو بائیڈن کی جیت کا جشن منانے والا ایک نوجوان شیمپین اچھال رہا ہے۔