دنیا کی سب سے بڑی جمہوریت بھارت میں ان دنوں انتخابات جاری ہیں۔ لیکن ملک کے دور دراز علاقوں میں بسنے والے قبائل کی خواتین کو ووٹ کے ذریعے تبدیلی کے نعرے پر یقین نہیں۔ ان کا کہنا ہے کہ وہ برسوں سے یہی سنتی آئی ہیں کہ ان کا ووٹ بہت طاقت ور ہے اور انتخابات کے ذریعے ملک میں تبدیلی لائی جاسکتی ہے، لیکن عملاً انہیں ایسا کچھ نظر نہیں آتا جس سے لگے کہ انتخابات سے معاشرے میں تبدیلی آتی ہے۔
تصاویر: بھارت کی قبائلی خواتین انتخابات سے ناامید
10
39 سالہ ارمیلا دیوی ہماچل پردیش سے تعلق رکھتی ہیں۔ ان کا کہنا ہے کہ وہ ووٹ ڈال کر اپنی ذمے داری پوری کریں گی۔ وہ اپنے گاؤں میں چائلڈ کیئر سینٹر اور میڈیکل سینٹر کے قیام کی خواہش مند ہیں لیکن ساتھ ہی انہیں یہ امید بھی ہے کہ ان میں سے کوئی بھی کام پایۂ تکمیل کو نہیں پہنچے گا۔
11
91 سالہ بم نونگرم بیڑی پیتی ہیں۔ ان کا تعلق بھی شمال مشرقی ریاست میگھالیہ سے ہے۔ ان کا کہنا ہے کہ وہ انتخابی عمل کو سمجھتی نہیں لیکن ووٹ ضرور دیتی ہیں۔
12
29 سالہ سنگیتا نندھنی ممبئی میں رہتی ہیں۔ ان کا کہنا ہے کہ ان سے جبری طور پر ان کی زمین خالی کرائی گئی جب کہ اس جگہ پر ان کا حق بنتا ہے۔ ان کے بقول وہاں ہمارے آباؤ اجداد پیدا ہوئے تھے اور وہیں مرے بھی۔ لیکن حکام ہمارا مطالبہ ماننے کے لیے تیار نہیں۔
13
ریاست میگھالیہ سے تعلق رکھنے والی ایک قبائلی خاتون لونا کا کہنا ہے کہ انہیں سیاست کے بارے میں کچھ پتا نہیں۔ وہ ووٹ اس لیے ڈالتی ہیں کہ ان کا شوہر ایسا کرنے کا کہتا ہے۔ انہیں الیکشن یا ووٹ کے بارے میں بھی کوئی علم نہیں۔
