عمران خان کی گرفتاری؛ مشتعل مظاہرین فوج کے ہیڈکوارٹر میں داخل

سابق وزیر اعظم عمران خان کو اسلام آباد ہائی کورٹ سے گرفتار کر لیا گیا ہے۔

اسلام آباد پولیس کے مطابق سابق وزیرِ اعظم عمران خان کو القادر ٹرسٹ کیس میں زمین کی خرد برد کے کیس میں گرفتار کیا گیا۔

سابق وزیرِ اعظم دو مقدمات میں عبوری ضمانت کے لیے منگل کو لاہور سے اسلام آباد پہنچے تھے۔ اس دوران رینجرز کی بھاری نفری بھی موجود تھی۔

عمران خان کو عدالت پیشی سے قبل ہی بکتر بند گاڑی میں بٹھا کر نیب راولپنڈی کے دفتر منتقل کر دیا گیا۔