اسرائیل اور حماس کے درمیان جاری جنگ کے دوران اسرائیلی فورسز کی غزہ میں کارروائی جاری ہے جب کہ حماس بھی اسرائیل پر راکٹ حملے جاری رکھے ہوئے ہے۔ جنوبی غزہ میں اسرائیل کی کارروائی کے باعث مزید فلسطینی بے گھر ہو گئے ہیں۔ کئی بے گھر فلسطینی خیموں میں رہنے پر مجبور ہیں۔ جنگ کی وجہ سے فلسطینی علاقوں اور اسرائیل میں کیا صورتِ حال ہے، دیکھیے یہ پکچر گیلری۔۔۔
حماس، اسرائیل جنگ؛ مزید فلسطینی بے گھر، اسرائیل پر راکٹ حملے
1
جنگ کی وجہ سے بے گھر ہونے والی فلسطینی خاتون مصر کی سرحد کے قریب بنائی گئی عارضی پناہ گاہ میں کھانا بنانے میں مصروف ہے۔ جنوبی غزہ میں اسرائیل کی کارروائیوں کے بعد ہزاروں فلسطینی مصر کی سرحد کے قریب قائم کیے گئے خیموں میں رہ رہے ہیں۔
2
مصر کی سرحد کے قریب بے گھر فلسطینیوں کے لیے خیمے قائم کیے گئے ہیں۔
3
اقوامِ متحدہ کے مطابق سات اکتوبر سے جاری جنگ کی وجہ سے لاکھوں فلسطینی عارضی پناہ گاہوں میں رہنے پر مجبور ہیں۔ رپورٹس کے مطابق اسرائیل کی بمباری اور ٹینکوں کی گولہ باری سے جنوبی غزہ کے شہر خان یونس سے فلسطینیوں کو مزید آگے منتقل ہونے پر مجبور کیا جا رہا ہے۔
4
اقوامِ متحدہ نے جنگ جاری رہنے کی صورت میں غزہ میں بڑے انسانی المیے کے خدشات کا اظہار کیا ہے۔ دوسری جانب اسرائیلی فوج کا مؤقف ہے کہ غزہ جنگ کے دوران صرف حماس کے ٹھکانوں کو نشانہ بنایا جا رہا ہے۔
