جب چالیس سال قبل صدر کی تقریبِ حلف برداری اِن ڈور منتقل کی گئی
روایت کے برخلاف ڈونلڈ ٹرمپ کی تقریبِ حلف برداری اِن ڈور ہو رہی ہے لیکن امریکہ میں ایسے مواقع پہلے بھی آتے رہے ہیں۔
حالیہ تاریخ میں 1985 میں اس وقت دوبارہ منتخب ہونے والے ری پبلکن صدر رونلڈ ریگن کی حلف برداری بھی کیپیٹل ہل پر کھلی فضا میں منعقد نہیں ہو پائی تھی۔
وائٹ ہاؤس کے اس وقت کے ریکارڈ کے مطابق حلف برداری کی اِن ڈور منتقلی پر اس وقت کے صدر رونلڈ اور ان کی اہلیہ نینسی ریگن بہت اداس تھے۔ لیکن انہیں بھی سردی کی شدت کی وجہ سے یہ فیصلہ کرنا پڑا تھا۔
سال 1985 میں وائٹ ہاؤس کے پریس سیکریٹری لیری اسپیکس کے مطابق صدر اور خاتونِ اول کو احساس تھا کہ ان کے پاس اس کے علاوہ کوئی راستہ نہیں تھا۔
حلف برداری کے لیے ٹرمپ کی کیپٹل ہل آمد
جو بائیڈن کی وائٹ ہاؤس میں الوداعی سیلفی
امریکی ٹیکنالوجی کمپنیز کے سربراہان بھی حلف برداری میں موجود
امریکی ٹیکنالوجی کمپنیز ایمیزون، گوگل، ایپل، میٹا اور 'ٹیسلا' کے سربراہان بھی ڈونلڈ ٹرمپ کی حلف برداری میں شریک ہیں۔
ڈونلڈ ٹرمپ کے قریبی مشیر ایلون مسک کے علاوہ 'گوگل' کے چیف ایگزیکٹو سندر پچائی اور 'ایمیزون' کے مالک چیف بیزوس بھی تقریب میں شریک ہیں۔ 'ایپل' کے سی ای او ٹم کک اور 'فیس بک' کے مالک مارک زکربرگ بھی کیپٹل ہل میں موجود ہیں۔
سابق امریکی صدور براک اوباما، جارج بش اور بل کلنٹن بھی کیپٹل ہل پہنچ گئے
منتخب صدر ڈونلڈ ٹرمپ کی تقریبِ حلف برداری میں شرکت کے لیے سابق امریکی صدور کی آمد کا سلسلہ بھی جاری ہے۔
سابق امریکی صدر براک اوباما بھی کیپٹل ہل پہنچ گئے ہیں۔ سابق امریکی صدر بل کلنٹن اپنی اہلیہ ہیلری کلنٹن کے ہمراہ کیپٹل ہل پہنچے ہیں۔ سابق صدر جارج بش بھی اپنی اہلیہ لارا بش کے ہمراہ پہنچ گئے ہیں۔