18:26
21.4.2024
الیکشن کمیشن آف پاکستان نے پی پی 54 نارووال میں ضمنی الیکشن کے دوران پولنگ اسٹیشن کے قریب ایک شخص کے ہلاک ہونے کے واقعے کا نوٹس لے لیا ہے۔
چیف الیکشن کمشنر سکندر سلطان راجہ نے واقعے پر ڈسٹرکٹ پولیس آفیسر نارووال سے ٹیلی فون پر رابطہ کیا اور معاملے کی رپورٹ طلب کی ہے۔
الیکشن کمیشن کی جانب سے جاری کیے گئے بیان کے مطابق چیف الیکشن کمشنر نے ذمے داروں کے خلاف فوری کارروائی کا مطالبہ کیا ہے۔
مسلم لیگ (ن) نے دعویٰ کیا تھا کہ ہلاک ہونے والا شخص مسلم لیگ (ن) کا کارکن ہے جسے پی ٹی آئی کے کارکنوں نے تشدد کر کے ہلاک کیا۔ پی ٹی آئی نے ان الزامات کی تردید کی ہے۔