لندن کے رائل البرٹ ہال میں اتوار کو پچھترویں برٹش اکیڈمی فلم ایوارڈز (بافٹا ایوارڈز) کی تقریب کا انعقاد ہوا جس میں فن کاروں نے ریڈ کارپٹ کی رونقیں بڑھائیں۔ رنگا رنگ تقریب میں نیٹ فلکس کی ویسٹرن فلم 'دی پاور آف دی ڈوگ' نے بہترین فلم اور بہترین ہدایت کار کا ایوارڈ اپنے نام کیا۔ سائنس فکشن فلم 'ڈیون' رنگا رنگ شام میں سب سے زیادہ یعنی پانچ ایوارڈز حاصل کرنے میں کامیاب رہی۔ تقریب کی چند جھلکیاں اس پکچر گیلری میں۔
بافٹا ایوارڈز: ریڈ کارپٹ پر فن کاروں کے جلوے
1
بافٹا ایوارڈز کی شام کا سب سے بڑا یعنی 'بہترین فلم' کا ایوارڈ 'دی پاور آف دی ڈوگ' کے نام رہا۔
2
بہترین اداکارہ کا ایوارڈ فلم ’آفٹر لو‘ کے لیے اداکارہ جواینا اسکین لن کے نام رہا۔
3
بافٹا ایوارڈز کی رنگا رنگ شام میں اداکار ٹروئے کوٹزر کو فلم 'سی او ڈی اے' کے لیے معاون اداکار کا ایوارڈ دیا گیا۔
4
سائنس فکشن فلم 'ڈیون' سب سے زیادہ یعنی پانچ ایوارڈز حاصل کرنے میں کامیاب رہی۔
