کیا نواز شریف چوتھی مرتبہ وزیرِ اعظم بن سکیں گے؟
پاکستان میں عام انتخابات سے قبل ہی ملک کے اگلے وزیرِ اعظم کے نام پر بحث شروع ہو گئی ہے۔
مسلم لیگ (ن) کا دعویٰ ہے کہ نواز شریف اگلے وزیرِ اعظم ہوں گے جب کہ پیپلز پارٹی مسلسل یہ کہہ رہی ہے کہ نواز شریف چوتھی مرتبہ وزارتِ عظمیٰ کا خواب دیکھنا چھوڑ دیں۔
کیا نواز شریف ایک مرتبہ پھر پاکستان کے وزیرِ اعظم بن سکیں گے؟ اِس بارے میں تجزیہ کاروں کی رائے جانیے ضیاءالرحمٰن کی اس رپورٹ میں۔
انتخابی سامان پریزائیڈنگ افسران اور پولنگ عملے کو آج دیا جائے گا: الیکشن کمیشن
پاکستان میں جمعرات کو ہونے والے عام انتخابات کے لیے انتخابی سامان پریزائیڈنگ افسران اور پولنگ عملے کو آج دیا جائے گا۔
الیکشن کمیشن کے مطابق فوج اور دیگر قانون نافذ کرنے والے اداروں کی نگرانی میں انتخابی سامان فراہم کیا جائے گا۔
ملک بھر میں 14 لاکھ 90 ہزار افراد پر مشتمل انتخابی عملہ اپنی ذمے داریاں ادا کرے گا۔
پاکستان کے 12 کروڑ سے زائد رجسٹرڈ ووٹرز جمعرات کو اپنا حقِ رائے دہی استعمال کریں گے۔
عام انتخابات کے ذریعے قومی و صوبائی اسمبلی کے اراکین کا انتخاب کیا جائے گا جس کے بعد ملک میں منتخب وفاقی اور صوبائی حکومتیں قائم ہوں گی۔
الیکشن کمیشن نے انتخابی مہم کا وقت ختم ہوتے ہی انتخابی اشتہارات اور دیگر تحریری مواد کی الیکٹرانک اور پرنٹ میڈیا پر تشہیر پر بھی پابندی عائد کردی ہے۔
پولنگ کے سامان کی ترسیل شروع
پاکستان میں جمعرات کو ہونے والے عام انتخابات کے لیے پولنگ کے سامان کی ترسیل شروع کر دی گئی ہے۔ الیکشن کمیشن آف پاکستان کے مطابق انتخابی سامان کی فراہمی فوج اور دیگر قانون نافذ کرنے والے اداروں کی نگرانی میں کی جا رہی ہے۔
پنجاب پولیس میں بھرتیوں کا آغاز
پنجاب پولیس نے بھرتیوں کا اعلان کرتے ہوئے کہا ہے کہ محکمے میں کانسٹیبل کی گیارہ ہزار سے زائد سیٹوں پرمیرٹ پر بھرتی ہونے جا رہی ہے۔
پنجاب پولیس نے بدھ کو سماجی رابطے کی سائٹ ایکس پر ایک بیان میں کہا ہے کہ بھرتی کے خواہش مند نوجوانوں سے درخواست ہے کہ وہ فوری پولیس ویری فکیشن سرٹیفکیٹ حاصل کریں اور اگر اس سرٹیفکیٹ میں کوئی مسئلہ آ رہا ہے تو عدالت سے رجوع کر کے اس کا ازالہ کروائیں۔
بیان کے مطابق امیدوار کے لیے ضروری ہے کہ وہ اپنا پولیس ویری فکیشن سرٹیفکیٹ پولیس خدمت مرکز سے حاصل کر لے، بصورتِ دیگر کرمنل ریکارڈ ہونے کی صورت میں امیدوار کو بھرتی کے عمل میں دشواری کا سامنا کرنا پڑ سکتا ہے۔