نئی دہلی میں منگل کو اسرائیل کے سفارت خانے کے قریب دھماکے کی تحقیقات جاری ہیں۔ اسرائیل کے حکام کو خدشہ ہے کہ موجودہ حالات میں اس طرح کے مزید حملے ہو سکتے ہیں۔ اسرائیل نے اپنے شہریوں کے لیے ٹریول ایڈوائزی جاری کرتے ہوئے نئی دہلی میں اپنے شہریوں کو احتیاط برتنے کا کہا ہے۔
اسرائیل میں لگا تار یرغمالوں کی رہائی کے مطالبات ہوتے رہے ہیں اور پچھلے چار روز مسلسل بے یقینی کے بعد جس طرح کامیابی کے ساتھ یرغمال اسرائیلیوں اور فلسطینی قیدیوں کا تبادلہ ہوا ہے، اس سے لوگوں میں دیگر یرغمال افراد کی اسرائیل واپسی کی امید جاگی ہے۔