امریکی انتخابات: مشی گن میں عرب، سیاہ فام اور آٹو ورکرز کے ووٹ کتنے اہم ہیں؟

ریاست مشی گن ایک زمانے میں امریکہ کی گاڑیاں بنانے کی صنعت کا مرکز تھی۔ یہاں سے صدارتی انتخابات میں 1992 سے ڈیموکریٹ امیدوار کامیاب ہوتے رہے ہیں۔ سوائے 2016 کے جب یہاں سے ری پبلکن امیدوار ڈونلڈ ٹرمپ نے صرف 11 ہزار ووٹوں سے اپنی ڈیموکریٹ حریف ہیلری کلنٹن کو شکست دی تھی۔ گو کہ چار سال بعد جو بائیڈن نے ایک بار پھر مشی گن سے کامیاب ہو کر یہاں ری پبلکنز کی برتری ختم کر دی تھی لیکن اس بار پھر یہاں پھر کانٹے کا مقابلہ ہے۔ مشی گن امریکہ کی ان سات سوئنگ ریاستوں میں شامل ہے جن کے بارے میں کہا جا رہا ہے کہ وہ 2024 کے الیکشن کا فیصلہ کریں گی۔