وینزویلا کی پارلیمان پر صدر کے حامیوں کا حملہ

وینزویلا کے صدر نکولس مدورو کے درجنوں مسلح حامی بدھ کو پارلیمان کی عمارت میں گھس آئے اور حکومت مخالف ارکانِ پارلیمان اور اسمبلی کے ملازمین کو مار پیٹ کا نشانہ بنایا

اس موقع پر پارلیمان کی عمارت میں فائرنگ اور دھماکوں کی آوازیں بھی سنی گئیں۔ حملہ آوروں نے پارلیمان کے کئی اراکین اور ملازمین کو مارا پیٹا اور توڑ پھوڑ کی

صدر مدورو کے حامی اسمبلی کے باہر ایک شخص کو تشدد کا نشانہ بنا رہے ہیں۔ زخمی ہونے والوں میں حزبِ اختلاف کے پانچ ارکانِ اسمبلی بھی شامل ہیں

پارلیمان پر حملے کے دوران زخمی ہونے والے حکومت کے حامی ایک شخص کو سکیورٹی اہلکار لے جارہے ہیں

حملے کے دوران حزبِ مخالف کے رکنِ پارلیمان ارماندو ارماس زخمی ہونے کے بعد منہ کے بل زمین پر گرے ہوئے ہیں جب کہ صدر مدورو کے حامی انہیں گھیرے ہوئے ہیں

اسمبلی کی عمارت کے محاصرے کے دوران اندر پھنسی ایک خاتون چیخ و پکار کر رہی ہیں

عینی شاہدین کا کہنا ہے کہ مسلح افراد نے کئی گھنٹے تک اسمبلی کا محاصرہ کیے رکھے لیکن سکیورٹی فورسز نے کوئی کارروائی نہیں کی

حکومت کے حامیوں کے حملے میں زخمی ہونے والے اسمبلی کے ایک ملازم کو طبی امداد دی جارہی ہے

حملہ ایسے وقت کیا گیا جب اسمبلی میں وینزویلا کے یومِ آزادی کی مناسبت سے خصوصی اجلاس جاری تھا

یومِ آزادی کے موقع پر دارالحکومت کاراکاس میں پریڈ منعقد ہوئی جس میں صدر نکولس مدورو بھی شریک تھے

صدر مدورو نے کہا ہے کہ انہیں اسمبلی میں ہونے والے واقعے پر حیرت ہے اور وہ اس کی تحقیقات کرائیں گے