عمران خان پر حملے کے خلاف پی ٹی آئی کا ملک بھر میں احتجاج
پاکستان تحریکِ انصاف کے کارکن پارٹی چیئرمین عمران خان پر قاتلانہ حملے کے خلاف ملک بھر میں احتجاج کر رہے ہیں۔
راولپنڈی میں لال حویلی کے باہر احتجاجی مظاہرہ ہوا۔
پنجاب کے شہر وزیر آباد میں پی ٹی آئی کے کارکن نمازِ جمعہ کے بعد سڑکوں پر نکل آئے اور مختلف سڑکوں کو بلاک کر کے احتجاج کیا۔ عمران خان کے قافلے پر جمعرات کو وزیر آباد میں ہی فائرنگ ہوئی تھی۔
احتجاج میں عوام نے عمران خان پر ہونے والے حملے کی مذمت کی۔
مظاہرین نے عمران خان کی حمایت میں بینرز بھی اٹھا رکھے تھے۔
وفاقی دارالحکومت اسلام آباد میں پولیس اور مظاہرین کے درمیان جھڑپیں بھی ہوئیں۔ پولیس کا مظاہرین کو منتشر کرنے کے لیے آنسو گیس کی شیلنگ۔
اسلام آباد میں جمعے کو پی ٹی آئی کے احتجاج کے موقع پر سیکیورٹی کے سخت انتظامات ہیں۔
لاہور میں عمران خان کے حامیوں نے حکومت مخالف نعرے بازی کی۔
کوئٹہ میں بھی تحریکِ انصاف کے حامی سڑکوں پر نکل آئے۔