نواز شریف وزیرِ اعظم منتخب ہوئے تو ان سے حلف لوں گا: صدر عارف علوی

صدرِ پاکستان ڈاکٹر عارف علوی نے کہا ہے کہ انہیں پورا یقین ہے انتخابات آٹھ فروری کو ہی ہوں گے۔ وائس آف امریکہ کے علی فرقان کو انٹرویو دیتے ہوئے صدر عارف علوی کا کہنا تھا کہ انتخابات کی شفافیت کو یقینی بنانا میرے آئینی اختیار میں نہیں ہے۔ لیکن نگراں وزیرِ اعظم کی بات پر بھروسا ہے کہ الیکشن میں ہر جماعت کے لیے لیول پلیئنگ فیلڈ ہوگی۔ عمران خان سے متعلق صدر نے کہا کہ امید ہے کہ ان کے ساتھ انصاف ہوگا۔