نیٹو کی 70 ویں سالگرہ پر لندن میں اجلاس

بدھ کو نیٹو اراکین کے سربراہان مملکت کا بند کمرہ اجلاس منعقد ہوگا جو تقریباً تین گھنٹوں تک جاری رہے گا۔ اجلاس کے بعد اس سے متعلق اعلامیہ بھی جاری کیا جائے گا۔

فرانس اور جرمنی کی خواہش ہے کہ اجلاس میں مشرقِ وسطیٰ اور افریقہ میں نیٹو کا کردار بڑھانے پر بھی بات کی جائے۔

نیٹو اجلاس میں دو بنیادی طور پر دو موضوعات پر بحث کی جائے گی جس میں اتحاد کے بجٹ اور دفاعی اخراجات اور ترکی کے دیگر نیٹو اراکین سے تعلقات کا معاملہ شامل ہے۔

خبر رساں ادارے 'رائٹرز' کے مطابق اجلاس کے دوران ترکی اور کینیڈا کی جانب سے صدر ٹرمپ کے الزامات کا جواب دیے جانے کا امکان ہے۔ امریکی صدر نے کہا تھا کہ یہ ملک دفاعی اخراجات میں بہت کم خرچ کرتے ہیں۔

توقع کی جا رہی ہے کہ برطانیہ امریکہ کی جانب سے یورپی ملکوں سے کیے گئے مطالبے کے تحت چھ جنگی کشتیاں، دو لڑاکا طیارے اور ہزاروں فوجی اتحاد میں شاملا کرے گا۔

اس کے علاوہ اجلاس میں نیٹو ممالک ایک دوسرے کے دفاع کے عزم کا اعادہ کریں گے۔

اس سے قبل منگل کو ابتدائی ریمارکس میں برطانیہ کے وزیرِ اعظم بورس جانسن نے کہا کہ جب تک ہم ایک ساتھ ہیں، کوئی ہمیں شکست دینے کا سوچ بھی نہیں سکتا۔

 

منگل کو اجلاس کے بعد بکنگھم پیلس میں سربراہانِ مملکت کی دعوت بھی کی گئی۔

نیٹو اجلاس میں شرکت کے لیے آئے امریکی صدر ڈونلڈ ٹرمپ اپنی اہلیہ کے ہمراہ بکنگھم پیلیس میں شہزادہ چارلس سے مل رہے ہیں۔

منگل سے شروع ہونے والا اجلاس بدھ کو دوسرے روز بھی جاری رہے گا۔