پاڪستان جي قومي اسيمبلي سيڪريٽريٽ ’سپريم ڪورٽ پريڪٽس اينڊ پروسيجر بل’ کي باقاعده قانوني شڪل ڏئي جمعي ڏينهن ان متعلق نوٽيفيڪيشن جاري ڪري ڇڏيو آهي.
چيف جسٽس جي اختيارن متعلق هيءُ بل عدالتي سڌارن جي بل طور به ڄاتو ويندو آهي. قومي اسيمبلي سيڪريٽريٽ جي مطابق هاڻي هيءُ بل قانون جي شڪل ۾ نافذ ٿي چڪو آهي.
حڪومت 10 اپريل تي پارليامينٽ جي گڏيل اجلاس مان ان بل جي منظوري ورتي هئي. جڏهن ته صدر ڊاڪٽر عارف علويءَ بل تي صحي ڪرڻ بنا ان کي ٻه ڀيرا واپس ڪري ڇڏيو هو.
عدالتي سڌارن جو بل قانون ٺهڻ کان اڳ سپريم ڪورٽ پنهنجي هڪ حڪم ذريعي حڪومت کي ان تي عمل درآمد کان روڪي چڪي آهي.
Supreme Court (Practice and Procedure) Act, 2023 of the Majlis-e-Shoora (Parliament) is deemed to have been assented by the President W.e.f 21 April 2023, under Clause (2) of the Article 75 of the Constitution of Islamic Republic of Pakistan. It is hereby published for general… pic.twitter.com/FIpBmJsALs
— National Assembly of 🇵🇰 (@NAofPakistan) April 21, 2023
قومي اسيمبليءَ جي پاران جاري ڪيل نوٽيفيڪيشن جي مطابق نئين قانون کي’سپريم ڪورٽ پريڪٽس اينڊ پروسيجر ايڪٽ 2023’ چيو ويندو جيڪو هڪ ئي ڀيرو نافذ ٿي ويندو.
نئين قانون هيٺ سپريم ڪورٽ جي سامهون پيش ٿيندڙ درخواست تي بينچ ٺاهيو ويندو جنهن جي اڳواڻي چيف جسٽس ڪندو جڏهن ته بينچ ۾ ٻه سينئر ترين جج شامل ڪيا ويندا.
تحريڪ انصاف جي اڳواڻن جو موقف رهيو آهي ته نئين قانون سازي پوئين وقت کان عدالت جي آزاديءَ ۾ مداخلت جي برابر آهي.