’من پسند افراد کو منتخب کروانے کے لیے خوف کی فضا قائم کی جا رہی ہے‘

بلوچستان نیشنل پارٹی کے سربراہ سردار اختر مینگل کا کہنا ہے کہ بلوچستان میں ریاستی اداروں کی جانب سے من پسند افراد پر مشتمل سیاسی جماعتیں بنانے سے ادارے اور جمہوریت کمزور ہو رہی ہیں۔ کوئٹہ میں وائس آف امریکہ کو دئیے گئے انٹرویو میں انھوں نے کہا کہ صوبے میں خوف کی فضا قائم کرنے کا مقصد انتخابات پر اثرانداز ہونا ہے تاکہ من پسند کو منتخت کرایا جائے۔ سردار اختر مینگل نے کہا کہ ریاستی اداروں کو چاہیے کہ بلوچستان میں سیاسی مداخلت بند کریں تاکہ بلوچستان کے عوام انتخابات میں اپنی رائے کا اظہار کر سکیں