سابق صدر ٹرمپ پرحملے کے دوران کیا ہوا؟
ڈونلڈ ٹرمپ پینسلوینیا میں انتخانی ریلی کے دوران اسٹیج پر موجود ہیں۔
ریلی کے دوران فائرنگ ہوئی جس پر سیکرٹ سروس کے اہلکاروں نے فوری طور پر ڈونلڈ ٹرمپ کو نیچے کیا اور ان کے اوپر ِآ گئے۔
ریلی کے دوران حفاظت کے لیے پولیس کے اسنائپر بھی تعینات تھے۔
فائرنگ کے فوری بعد سیکرٹ سروس کے اہلکاروں کے ساتھ ساتھ دیگر قانون نافذ کرنے والے اداروں نے بھی اسٹیج کو گھیرے میں لے لیا تھا۔
سابق صدر ڈونلڈ ٹرمپ کو سیکرٹ سروس کے اہلکار زخمی حالت میں اسٹیج سے نیچے لے کر گئے۔
ڈونلڈ ٹرمپ نے اسٹیج سے اترتے ہوئے زخمی حالات میں کئی بار اپنے حامیوں کی جانب مکا بلند کیا۔
ڈونلڈ ٹرمپ کو جب گاڑی میں سوار کرایا جا رہا تھا تو اس وقت بھی ان کا مکا ہوا میں بلند تھا۔
سیکرٹ سروس کے اہلکاروں کی بڑی تعداد نے مستقل ڈونلڈ ٹرمپ کو حصار میں رکھا ہوا تھا۔
ڈونلڈ ٹرمپ کو جب ریلی کے مقام سے روانہ کر دیا گیا تو وہاں موجود ان کے کئی حامی بغل گیر نظر آئے۔
قانون نافذ کرنے والے اداروں کے اہلکار بڑی تعداد میں ریلی کے مقام پر موجود ہیں اور شواہد جمع کر رہے ہیں۔
انتخابی ریلی کے مقام پر لوگوں کے جانے کے بعد خالی کرسیاں موجود ہیں۔
امریکہ کے صدر جو بائیڈن نے ڈونلڈ ٹرمپ پر حملے کی مذمت کرتے ہوئے کہ اس طرح کے تشدد کی امریکہ میں کوئی جگہ نہیں۔ ہمیں اس کی مذمت کرنی چاہیے۔