تصاویر: ملزمان کی چین حوالگی قانون کے خلاف ہانگ کانگ میں احتجاج

مجوزہ قانون کے خلاف ہانگ کانگ کے شہری سراپا احتجاج ہیں۔

پیر کو مظاہرین اور پولیس میں تصادم بھی ہوا۔

مبصرین کے مطابق بڑے پیمانے پر مجوزہ قانون کے خلاف احتجاج نے ہانگ کانگ کو سیاسی بحران کی جانب دھکیل دیا ہے۔

مجوزہ بل کی عمومی طور پر حکومت کے حمایتی کاروباری افراد، طلبا، وکلا، مذہبی گروپ اور جمہوریت پسند افراد بھی کھل کر مخالفت کر رہے ہیں۔

کیری لام کا کہنا ہے کہ وہ مظاہرین کے خدشات دور کرنے کے لیے بل میں مزید ترامیم تجویز کر رہی ہیں جس میں انسانی حقوق کے تحفظ کی شق بھی شامل ہے۔

مظاہرین مجوزہ بل کی محرک اور ہانگ کانگ کی چیف ایگزیکٹو کیری لام کے استعفے کا بھی مطالبہ کر رہے ہیں۔

مجوزہ قانون کو پارلیمینٹ میں پیش کیے جانے کے موقع پر سکیورٹی کے انتہائی سخت انتظامات کیے گئے ہیں۔