استنبول میں شدید برف باری، پروازیں منسوخ
ترکی کے شہر استنبول میں کئی روز سے برف باری کا سلسلہ جاری ہے۔
برف باری کے سبب شہر کے تقریباً ڈیڑھ کروڑ رہائشیوں کو شدید مشکلات کا سامنا ہے۔
ڈیزاسٹر اینڈ مینجمنٹ اتھارٹی کے حکام کے مطابق شدید موسم کی وجہ سے کئی ہزار افراد سڑکوں پر پھنس گئے۔
برف باری کی وجہ سے حکام کو استنبول ایئرپورٹ کو بھی پروازوں کے لیے بند کرنا پڑا۔
مرکزی شاہراہیں بند ہونے سے شہریوں کو شدید مشکلات کا سامنا ہے۔
شہر میں نقل و حرکت کو کم کرنے کے لیے تمام سرکاری اداروں میں منگل کو عام تعطیل کا اعلان بھی کیا گیا ہے۔
استنبول کے میئر اکرم امام اوغلو کے مطابق شہر میں دس سے 15 سینٹی میٹر تک برف پڑی ہے۔
استنبول کی سیر کے لیے آنے والے سیاح موسم کا لطف اٹھا رہے ہیں۔
سیاح برف باری سے خوب محظوظ ہو رہے ہیں۔
ترکی کے دیہی علاقوں میں 25 سینٹی میٹر تک برف پڑ چکی ہے۔
ترکی کے کئی علاقوں میں منگل کو درجہ حرارت منفی ایک تک جا پہنچا۔