چین کے شہر ووہان سے دنیا کے 2 درجن ممالک تک پھیلنے والے کرونا وائرس سے بچاؤ کے لیے مختلف ممالک اپنے تئیں کوششیں کر رہے ہیں۔ وائرس سے بچاؤ کے لیے مختلف اقدامات اٹھائے جا رہے ہیں۔
کرونا وائرس سے بچاؤ کے لیے دنیا بھر میں اقدامات
1
چین کے صوبے سنکیانگ میں رضاکاروں نے اپنے طور پر رہائشی علاقوں میں وائرس سے بچاؤ کے لیے اسپرے کرنا شروع کر دیا ہے۔ سڑکوں اور گلی محلوں کے ساتھ گھروں میں بھی رضا کار اسپرے کرتے نظر آتے ہیں۔
2
اٹلی کے شہر وینس میں سیاحوں نے حفاظتی ماسک پہننا شروع کر دیے ہیں۔ شہر میں سیاحوں کی بڑی تعداد ماسک لگائے گھومتی ہے۔
3
سری لنکن ایئر لائن کا عملہ بھی حفاظتی ماسک استعمال کر رہا ہے۔ بندرا نائیکے انٹرنیشنل ایئرپورٹ پر ایئر ہوسٹس ہوں، پائلٹ یا دوسرا عملہ، سب کے لیے ماسک پہننا ضروری ہے۔
4
چین کے شہر ووہان سے واپس آنے والے پرتگالی شہریوں کو لسبن ملٹری ایئرپورٹ پر اتارا گیا اور ان کا میڈیکل چیک اپ کیا گیا۔ اس دوران انہیں الگ تھلگ رکھا گیا۔