امریکہ میں منگل کو ہونے والے صدارتی انتخاب کے مکمل نتائج ابھی تک سامنے نہیں آ سکے ہیں۔ 44 ریاستوں کے غیر حتمی و غیر سرکاری نتائج آ چکے ہیں جب کہ چھ ریاستوں میں ووٹوں کی گنتی جاری ہے۔ ان ریاستوں میں پینسلوانیا، جارجیا، نارتھ کیرولائنا، ایریزونا، نیواڈا اور الاسکا شامل ہیں۔
امریکی انتخابات: ووٹوں کی گنتی اور احتجاج ساتھ ساتھ
1
ریاست ایریزونا کے شہر فینکس کی میری کوپا کاؤنٹی میں ووٹوں کی گنتی جاری ہے جب کہ یہاں دونوں جماعتوں کے نمائندے بھی موجود ہیں۔
2
امریکہ کا صدارتی انتخاب جیتنے کے لیے کسی بھی امیدوار کو 270 الیکٹورل ووٹ درکار ہوتے ہیں۔ اب تک سامنے آنے والے غیر سرکاری و غیر حتمی نتائج کے مطابق جو بائیڈن 253 الیکٹورل ووٹ کے ساتھ آگے ہیں جب کہ صدر ڈونلڈ ٹرمپ نے اب تک 214 الیکٹورل ووٹ لیے ہیں۔
3
فینکس کی میری کوپا کاؤنٹی کے جس دفتر میں ووٹوں کی گنتی ہو رہی ہے، اس کے باہر صدر ڈونلڈ ٹرمپ کے حامی جمع ہو گئے اور کچھ لوگوں نے تقریریں بھی کیں۔
4
فریقین کے حامیوں کے درمیان تناؤ کے بڑھنے سے کچھ ریاستوں کے حکام نے ووٹوں کی گنتی کرنے والے عملے کے لیے حفاظتی اقدامات میں اضافہ کر دیا ہے۔