امریکہ کے صدر ڈونلڈ ٹرمپ کے حامی صدارتی انتخابات کے غیر حتمی اور غیر سرکاری نتائج کے تحت جو بائیڈن کے صدر منتخب ہونے کی خبروں کے بعد مختلف ریاستوں میں سڑکوں پر نکل آئے۔ صدر ٹرمپ اور اُن کے حامیوں کا مؤقف ہے کہ انتخابات میں بڑے پیمانے پر فراڈ ہوا ہے، لہذٰا ووٹوں کی دوبارہ گنتی ہونی چاہیے۔
صدر ٹرمپ کے حامیوں کے مختلف ریاستوں میں مظاہرے
1
امریکی ریاست ٹیکساس کے شہر آسٹن میں صدر ٹرمپ کے حامی، جشن مناتے جو بائیڈن کے حامیوں کو دیکھ رہے ہیں۔ امریکہ میں تین نومبر کے بعد دونوں جماعتوں کے کارکنوں کے درمیان جھڑپوں کی اطلاعات بھی موصول ہوئی تھیں۔
2
صدر ٹرمپ کے حامی امریکی ریاست منی سوٹا میں ڈیمو کریٹک گورنر ٹم والز کی رہائش گاہ کے باہر احتجاج کر رہے ہیں۔
3
بیشتر امریکی نشریاتی اداروں کی جانب سے ہفتے کو جو بائیڈن کے صدر منتخب ہونے کی خبروں کے بعد کیلی فورنیا میں بھی صدر ٹرمپ کے حامی سڑکوں پر نکل آئے اور نتائج پر تحفظات کا اظہار کیا۔
4
صدر ٹرمپ انتخابات کے غیر سرکاری اور غیر حتمی نتائج تسلیم کرنے سے انکار کرتے ہوئے قانونی چارہ جوئی کا اعلان کر چکے ہیں۔ صدر ٹرمپ کے حامیوں کا یہ مؤقف ہے کہ ووٹوں کی دوبارہ گنتی کی جائے۔