بھارت کا مشہور سیاحتی مقام تاج محل بدھ کو سیاحوں کے لیے دوبارہ کھول دیا گیا ہے جس کے بعد سیاحوں نے اس کا رخ کیا۔ حکام نے یومیہ 650 سیاحوں کو تاج محل آنے کی اجازت دی ہے۔ مغل بادشاہ شاہ جہاں نے 17 ویں صدی میں اپنی اہلیہ ممتاز محل کی یاد میں تاج محل تعمیر کرایا تھا جہاں ان دونوں کی قبریں موجود ہیں۔ بھارت کے شہر آگرہ میں واقع اس سیاحتی مقام کو کرونا کیسز میں اضافے کے باعث گزشتہ برس مارچ میں بند کیا گیا تھا۔ بعدازاں، ستمبر میں دوبارہ سیاحوں کو یہاں آنے کی اجازت دی گئی، لیکن رواں برس اپریل میں کرونا کیسز میں ایک مرتبہ پھر تیزی کے بعد تاج محل کو دوبارہ بند کر دیا گیا تھا۔
تاج محل کھلنے کے بعد سیاحوں کی آمد
5
حکام نے سیاحوں کو مقبرے کی دیواروں اور وہاں موجود تنصیبات کو نہ چھونے کی ہدایت کی ہے۔
6
تاج محل کھلنے کے باوجود سیاحوں کو احتیاط برتنے کا کہا جا رہا ہے۔ اس مقصد کے لیے سیکیورٹی اہلکار بھی موجود ہیں۔
7
آگرہ میں ہوٹل اور ریستوران آنرز ایسوسی ایشن کے صدر رامیش وادھوا کا کہنا ہے کہ جب تک بین الاقوامی سیاح نہیں آ جاتے اس وقت تک سیاحتی شعبہ اپنے پیروں پر کھڑا نہیں ہو سکتا۔
8
آگرہ میں واقع اس سیاحتی مقام کو کرونا کیسز میں اضافے کے باعث گزشتہ برس مارچ میں بند کیا گیا تھا۔
