سنگاپور کے جزیرے سینتوسا کے ساحل پر پھیلنے والے تیل کی صفائی کا کام جاری ہے۔ جمعے کو سنگاپور کی جنوبی بندرگاہ پاسر پنجنگ پر دو بحری جہازوں کے ٹکراؤ تیل کا رساؤ شروع ہوا تھا۔ رساؤ کے بعد تیل سنتوسا سمیت سنگاپور کے جنوبی جزائر کے ساحلوں تک پھیل گیا تھا۔ سنتوسا کے ساحل پر پانچویں روز بھی تیل سے آلودہ ریت نکالنے اور سطح پر تیرنے والے تیل کی صفائی کی جا رہی ہے۔ ورکرز ہاتھوں سے آلودہ ریت تھیلوں میں جمع کر کے کنارے پر جمع کر رہے ہیں۔ حکام کے مطابق لہروں کی وجہ سے تیل سطح سمندر پر وسیع علاقے میں پھیل گیا ہے جس باعث سمندری حیات کو نقصان پہنچنے کا اندیشہ ہے۔
