سعودی عرب کے ولی عہد شہزادہ محمد بن سلمان پاکستان کے دو روزہ سرکاری دورے پر اتوار کو اسلام آباد پہنچ تھے جہاں وزیر اعظم عمران خان نے اپنی کابینہ کے چند اراکین کے ہمراہ راولپنڈی کے نور خان ائیر بیس پر سعودی ولی عہد کا استقبال کیا۔ اس موقع پر پاکستانی فوج کے سربراہ جنرل قمر جاوید بھی موجود تھے۔ اس دورے کے دوران دونوں ملکوں کے درمیان 20 ارب ڈالر کے تجارتی معاہدوں پر دستخط کیے گئے۔ صدر مملکت عارف علوی نے سعودی شہزادے کو پاکستان کے سب سے بڑے سول اعزاز ’نشان پاکستان‘ سے نوازا۔
سعودی ولی عہد: لڑاکا طیاروں کے حصار سے اعلیٰ ترین اعزاز تک
1
صدر مملکت ڈاکٹر عارف علوی نے پاکستان کے دورے پر آئے سعودی ولی عہد محمد بن سلمان کو پاکستان کے سب سے بڑے سول ایوارڈ ‘نشان پاکستان‘ سے نوازا۔
2
ولی عہد کا طیارہ پاکستانی حدود میں داخل ہوا تو جے ایف تھنڈر طیاروں نے اُسے اپنے حفاظتی حصار میں لے لیا۔
3
وزیر اعظم عمران خان نے راولپنڈی کے نور خان ائیر بیس پر سعودی ولی عہد کا پرتپاک استقبال کیا۔
4
سعودی ولی عہد کو گارڈ آف آنر دیا جا رہا ہے۔