امریکہ میں سیاہ فام شہری کی پولیس حراست میں ہلاکت کے خلاف مختلف شہروں میں جاری مظاہرے چھٹے روز میں داخل ہو گئے ہیں۔ اتوار کو دارالحکومت واشنگٹن ڈی سی میں امریکی صدر کی سرکاری رہائش گاہ وائٹ ہاؤس کے باہر بھی لوگوں نے ایک بڑا مظاہرہ کیا۔ اس دوران جلاؤ گھیراؤ کے واقعات بھی ہوئے۔ مشتعل مظاہرین پولیس سے جھڑپیں کرتے بھی نظر آئے۔
سیاہ فام شہری کی ہلاکت پر وائٹ ہاؤس کے باہر مظاہرہ
9
واضح رہے کہ گزشتہ پیر کو سوشل میڈیا پر ایک ویڈیو وائرل ہوئی تھی جس میں ایک پولیس اہلکار ایک سیاہ فام شخص کی گردن پر اپنے گھٹنے سے دباؤ ڈال رہا تھا جو بعد میں دم توڑ گیا تھا۔
10
پولیس کا کہنا ہے کہ فلائیڈ کو ایک ڈپارٹمنٹل اسٹور کے قریب سے جعلی بل منظور کرانے کے الزام میں گرفتار کیا گیا تھا۔ لیکن اس نے گرفتاری کے دوران مزاحمت کی کوشش کی۔
11
واقعے کے بعد ریاست منی سوٹا کے مختلف شہروں میں احتجاج شروع ہو گیا تھا۔ اس دوران سیکڑوں شہری سڑکوں پر نکلے اور پولیس کے خلاف نعرے بازی کی۔
12
امریکہ کا فیڈرل بیورو آف انویسٹی گیشن (ایف بی آئی) واقعے کی تحقیقات کر رہا ہے۔ سفید فام پولیس اہلکار کے ہاتھوں سیاہ فام شخص کی ہلاکت کے معاملے پر اقدام قتل کی دفعات کے تحت مقدمہ درج کیا گیا ہے۔