پاکستان تحریکِ انصاف (پی ٹی آئی) کے چیئرمین اور سابق وزیرِ اعظم عمران خان کی گرفتاری کے لیے لاہور میں ان کے رہائش گاہ زمان پارک کے اطراف پولیس آپریشن بدھ کو بھی جاری ہے۔ توشہ خانہ کیس میں عدالتی حکم پر عمل درآمد کے لیے اسلام آباد پولیس لاہور پولیس کے ہمراہ کارروائی میں مصروف ہے۔ کئی گھنٹوں کی کارروائی کے باوجود پولیس کو کامیابی نہیں مل سکی۔ پولیس اور پی ٹی آئی کارکنوں کے درمیان وقفے وقفے سے جھڑپوں کا سلسلہ جاری ہے۔ پتھراؤ اور جلاؤ گھیراؤ میں پولیس کے 30 سے زیادہ اہلکار زخمی ہوئے ہیں جب کہ پی ٹی آئی کے 15 کارکنوں کو گرفتار کیا جا چکا ہے۔
لاہور: پولیس اور پی ٹی آئی کارکنان میں جھڑپیں
1
لاہور میں عمران خان کی رہائش گاہ زمان پارک کے اطراف پولیس اور پی ٹی آئی کے کارکنوں کے درمیان دوسرے روز بھی جھڑپوں کا سلسلہ جاری ہے۔
2
توشہ خانہ کیس میں عمران خان کو گرفتار کرنے کے لیے اسلام آباد پولیس کی کارروائی جاری ہے جس میں اسے لاہور پولیس کی معاونت بھی حاصل ہے۔
3
سابق وزیرِ اعظم کی گرفتاری کے لیے منگل کو شروع ہونے والی پولیس کارروائی بدھ کو بھی جاری ہے۔
4
زمان پارک اور اس کے اطراف کے علاقوں میں پولیس اور پی ٹی آئی کے کارکنوں کے درمیان وقفے وقفے سے جھڑپوں کا سلسلہ جاری ہے۔
