سال 2022 کا آخری سورج ہفتے کو غروب ہوجائے گا۔ اس سال دنیا بھر میں بہت سے واقعات ہوئے جب کہ کئی مشہور شخصیات اس دنیا سے رخصت ہوگئیں۔ اس سال دنیا بھر میں کیا کچھ ہوا؟ دیکھیے سال 2022 کی چند بہترین تصاویر کی اس پکچر گیلری میں۔
سال 2022 کی کچھ تصویری جھلکیاں
37
یہ منظر افغانستان کے دارالحکومت کابل کے ایک اسکول کا ہے، جہاں کلاس روم کبھی لڑکیوں سے بھرے ہوتے تھے وہ اب بالکل خالی ہیں۔ طالبان نے لڑکیوں کی سیکنڈری تعلیم کے بعد خواتین کو نجی و سرکاری جامعات میں جانے سے بھی روک دیا ہے۔ اسی طرح خواتین کو مختلف شعبوں میں ملازمت سے بھی روکا ہے جب کہ انہیں عوامی مقامات پر برقع پہننے کا حکم بھی دیا گیا ہے۔ افغانستان میں خواتین کے پارکس اور جمز جانے پر بھی پابندی ہے۔
38
2022 کھیلوں کے اعتبار سے بھی اہم رہا۔ اس برس نومبر اور دسمبر میں قطر میں فیفا فٹ بال ورلڈ کپ منعقد ہوا، جہاں 32 ٹیموں میں سے ایک ارجنٹائن نے ٹرافی اپنے نام کرنے کا اعزاز حاصل کیا۔
39
سال کے آخر میں یوکرین کے صدر ولودیمیر زیلنسکی نے امریکہ کا دورہ کیا جہاں انہوں نے امریکی کانگریس سے خطاب کیا اور امریکی ایوان نمائندگان کی اسپیکر نینسی پلوسی اور نائب صدر کاملا ہیرس سے ملاقات کی۔
