بھارت کے وزیرِ اعظم نریندر مودی نے کرونا وائرس سے متاثرہ افراد سے اظہار یکجہتی کے لیے اتوار کی شب ایک نیا طریقہ اپنایا جس پر لاکھوں شہریوں نے عمل کیا۔ وزیرِ اعظم نے عوام کو اتوار کی شب نو بجے نو منٹ کے لیے تمام لائٹس بند کر کے بالکونیوں، گھروں کے در و دیوار اور چھت پر چراغاں کرنے کی اپیل کی تھی جس پر ان گنت افراد نے عمل کیا۔
بھارت: کرونا متاثرین سے اظہار یکجہتی کے لیے چراغاں
1
بھارت میں کرونا وائرس کو پھیلنے سے روکنے کے لیے 21 روزہ لاک ڈاؤن جاری ہے جس کے دوران لوگ گھروں پر ہیں۔ عوام کی بڑی تعداد نے وزیرِ اعظم کی ہدایت پر اتوار کو اپنے گھروں پر چراغاں کیا۔
2
فلٹس یا مختلف اپارٹمنٹس میں رہنے والے افراد نے نو بجتے ہیں بالکونیوں میں چراغ کرنا شروع کر دیا۔ دہلی کے قریب واقع میڈیا سٹی نوئیڈا کی تمام رہائشی عمارات بھی روشن کی گئیں۔
3
کرونا وائرس سے بچاؤ کے لیے لوگوں کی بڑی تعداد نے خود کو گھروں تک محدود رکھا۔ اتوار کی شب گلیاں مدھم اور رنگ برنگی روشنیوں سے جگمگاتی رہیں۔
4
کچھ مقامات پر اتوار کی شب چراغاں کا خاص اہتمام کیا گیا۔ کولکتہ کے ایک اسپتال کے عملے نے کرونا وائرس سے متاثرہ افراد سے اظہار یکجہتی کے لیے شمیں روشن کیں اور چراغ جلائے۔ اس کام میں ڈاکٹرز، نرسز اور شعبہ طب سے وابستہ دیگر کارکنوں نے بھی ان کا بھرپور ساتھ دیا۔
