بھارت میں حزبِ اختلاف کی جماعتیں، کاشت کار تنظیمیں اور کسان یونینز پارلیمنٹ کی جانب سے منظور کردہ تین متنازع زرعی بلوں کے خلاف سراپا احتجاج ہیں۔ ان بلوں کے خلاف جمعے کو ملک گیر مظاہرے کیے گئے اور بڑے پیمانے پر احتجاج ہوا۔ مظاہرین نے ملک کے مختلف حصوں میں مرکزی سڑکیں، ہائی ویز اور ریل کی پٹریاں بلاک کر دیں۔ متعدد ریاستوں کی سرحدیں بھی سیل کر دی گئیں جب کہ دارالحکومت نئی دہلی میں پولیس کو ہائی الرٹ کر دیا گیا ہے۔
بھارت: زرعی بلوں کی منظوری کے خلاف ملک گیر احتجاج
5
زرعی امور کے ماہرین کا کہنا ہے کہ ان بلوں کے نتائج تباہ کن ہو سکتے ہیں، کیوں کہ جہاں بھی اس طرح کا تجربہ کیا گیا ہے، وہاں کسانوں کا ہی نقصان ہوا ہے۔
6
متنازع بلوں کے خلاف جمعے کو تقریباً 300 کاشت کار تنظیموں اور 20 سے زائد اپوزیشن جماعتوں نے ملک گیر احتجاج کیا اور ریلیاں نکالیں جس کے باعث ملک کے مختلف علاقوں میں ریل اور سڑک کے ذریعے رابطے متاثر ہوئے۔
7
کسانوں نے ٹریکٹرز اور واٹر ٹینکرز کی مدد سے مرکزی شاہراہیں اور ہائی ویز بند کیں جس سے ٹریفک کا سارا نظام درہم برہم ہو گیا۔
8
بھارتی پنجاب کے شہر امرتسر میں بعض کسان احتجاجی طور پر ریلوے ٹریک پر لیٹ گئے جس سے ٹرینوں کی آمد و رفت رک گئی۔