دنیا کے کئی ملک شدید گرمی کی لپیٹ میں

یورپ، امریکہ اور ایشیا سمیت دنیا کے مختلف حصے ان دنوں شدید گرمی کی لپیٹ میں ہیں۔ بعض ممالک میں گرمی کی شدت کے باعث جنگلات میں آگ لگنے کے واقعات بھی رپورٹ ہوئے ہیں۔ ماہرین کا کہنا ہے کہ موسمیاتی تبدیلیوں کی وجہ سے دنیا کے مختلف ملکوں کا درجہ حرارت بڑھ گیا ہے۔ اقوامِ متحدہ کے ادارے ورلڈ میٹرولوجیکل ایجنسی (ڈبلیو ایم او) نے خبردار کیا ہے کہ ہیٹ ویو میں کمی کا کوئی امکان نہیں ہے اس لیے دنیا کو شدید ہیٹ ویو کے لیے تیار رہنے کی ضرورت ہے۔