امریکہ میں ہر سال 31 اکتوبر کو ہالووین تہوار منایا جاتا ہے۔ اس تہوار میں شام ڈھلتے ہی بچے اور بعض اوقات بڑے بھی جنوں، بھوتوں، روحوں اور پریوں کا کاسٹیوم پہن کر نکلتے ہیں اور اپنے گلی محلے یا دوسرے علاقوں میں ہر گھر پر جا کر دستک دیتے ہیں۔ وائٹ ہاؤس میں بھی اس حوالے سے ایک تقریب کا اہتمام کیا گیا جس میں صدر ٹرمپ اور خاتون اول میلانیا ٹرمپ نے شرکت کی۔
وائٹ ہاؤس میں سجی ہالووین کی تقریب
5
امریکہ دریافت ہونے کے بعد بڑی تعداد میں یورپی باشندے یہاں آکر آباد ہوئے۔ وہ اپنے ساتھ اپنی ثقافت اور رسم و رواج اور تہوار بھی لے کر آئے۔ کہا جاتا ہے کہ شروع میں ہالووین میری لینڈ اور جنوبی آبادیوں میں یورپی تارکین وطن مقامی طور پر چھوٹے پیمانے پر منایا کرتے تھے۔
6
اس تہوار کا نظریہ یہ ہے کہ 31 اکتوبر کی شام خزاں ختم اور سردیاں شروع ہوتی ہیں۔ موسموں کے اس سنگم کی رات روحیں ان جگہوں پر واپس آتی ہیں جہاں وہ کبھی زندہ انسانوں کی شکل میں رہا کرتی تھیں۔
7
وائٹ ہاؤس میں اتوار کی شام ہونے والی تقریب میں پریس سکریٹری کیلیگ میکنینی بھی شریک ہوئیں۔ انہوں نے اپنی بیٹی کو گود میں لے کر صدر اور خاتون اول کے ہمراہ تصویریں بنوائیں۔
8
صدر ٹرمپ نے مختلف کاسٹیومز میں ملبوس وائٹ ہاؤس آنے والے بچوں کو مسکراتے ہوئے خیرمقدمی سیلیوٹ کیا۔
